c) Latinsk Öfversättning
af Johannes Magnus uti Hist. de omnib. Gothor. Sueonumque Regibus; Romæ MDLIIII; ss. 27, 28.
ERICUS.
I. Primus in regnis Geticis coronam
Regiam gessi, subiíqz Regis
Munus, & mores colui sereno
Principe dignos.
II. Horrui quicquid furor aut libido
Suasit, & nulli grauis aut molestus,
Sed probus, viuens timui præesse
More tyranni.
III. Legibus iustis populos gubernans
Præfui: nullus pauor innocenteis
Terruit: iudex procul est iniquus
Me duce pulsus.
IV. Daniæ regnum caruit colonis,
Donec illius regionis agros
Gotthicas gentes habitare iussi.
Sed sine Rege
V. Non erant pauci populi rebelles,
Quos metus legum metuit morari
Gotthica in terra, vel habere sedeis
Inter honestos.
VI. His ego pulsis procul in remotas
Cimbricas terras, reliquis quietem
Præstiti firmam: nec erat timenda
Turba nefanda.
VII. Iudices illis adhibens tributo
Subdidi iusto: nec erat potestas,
Qua iugo tali poterat resisti
Tempore multo,
